مشاہد حسین سیدنے کہا ہے کہ پاکستان اور بھارت کے درمیان جنگ کا کوئی خطرہ نہیں، چین، سعودی عرب اور ایران سرگرم ہیں۔
مشاہد حسین سید نے کہا ہے کہ پاکستان اور بھارت کے درمیان کسی بڑے مسلح تصادم کا کوئی امکان نہیں۔ کراچی میں ایک سیمینار سے خطاب کرتے ہوئے انہوں نے اس بات پر زور دیا کہ اس حوالے سے چین، سعودی عرب اور ایران سرگرم ہیں اور دونوں ممالک سے بات چیت کر رہے ہیں تاکہ صورتحال کو کشیدگی سے بچایا جا سکے۔
مشاہد حسین سید نے کہا کہ امریکی صدر ڈونلڈ ٹرمپ کا حالیہ بیان بہت مثبت ہے، کیونکہ انہوں نے بھارت کے ساتھ اپنے تعلقات میں توازن برقرار رکھتے ہوئے پاکستان کے ساتھ بھی اپنے تعلقات کی اہمیت کو تسلیم کیا ہے۔ صدر ٹرمپ نے کہا ہے کہ وہ پاکستان اور بھارت دونوں کے رہنماؤں کے قریب ہیں، اور دونوں ممالک کے درمیان مسائل کے حل کے لئے ان کی حمایت جاری رکھیں گے۔
انہوں نے اس بات پر بھی زور دیا کہ صدر ٹرمپ نے مسئلہ کشمیر کو ایک دیرینہ تنازعہ کے طور پر تسلیم کیا ہے، جو دونوں ملکوں کے درمیان ایک اہم ایشو ہے۔
