سلطان حسن بلقیہ، برونائی دارالسلام کے طویل المدتی اور امیر ترین حکمران ہیں جنہوں نے 1967 سے اس چھوٹے مگر خوشحال ملک کی قیادت سنبھالی ہے۔
ان کی حکومت برونائی کو اقتصادی ترقی، سیاسی استحکام اور عالمی سطح پر اہم مقام دلانے میں نمایاں رہی ہے۔
سلطان حسن بلقیہ نہ صرف اسلامی دنیا کے امیر ترین حکمرانوں میں شمار ہوتے ہیں بلکہ ان کی ذاتی دولت کا تخمینہ تقریباً 30 ارب ڈالر لگایا جاتا ہے جو انہیں عالمی سطح پر بھی امیر ترین افراد کی فہرست میں شامل کرتا ہے۔
حال ہی میں آسیان سربراہی اجلاس کے دوران اچانک طبیعت خراب ہونے کے باعث سلطان کو فوری طور پر کوالالمپور کے نیشنل ہارٹ انسٹیٹیوٹ میں داخل کرایا گیا، جہاں ان کا کامیاب علاج ہوا اور وہ جلد صحت یاب ہو گئے۔ اس دوران ملائیشیا کے وزیراعظم انور ابراہیم نے ان کی عیادت کی اور ان کی بہترین دیکھ بھال کو یقینی بنایا۔
سلطان حسن بلقیہ اپنی دانشمندی، قیادت کے انداز اور ملک کی ثقافت و روایات کی حفاظت کے لیے جانے جاتے ہیں۔ وہ ایک پرامن حکمران ہیں جنہوں نے برونائی کو ایک خوشحال ریاست بنانے کے لیے تعلیم، توانائی، اور سیاحت جیسے شعبوں میں نمایاں سرمایہ کاری کی ہے۔
یہ بھی پڑھیں :پاکستان،چین اورافغانستان نے سی پیک کو افغانستان تک وسعت دینےکافیصلہ کیا،احسن اقبال
ان کا دور حکومت تاریخی اعتبار سے دنیا کے طویل ترین حکمرانی کرنے والوں میں شامل ہے، جو ان کی حکمت عملی اور عوامی مقبولیت کا منہ بولتا ثبوت ہے
