فرانس کو شکست،پاکستان نے نیشنز ہاکی کپ کے فائنل میں جگہ بنالی

پاکستان نے سیمی فائنل میں فرانس کو پنالٹی شوٹ آؤٹ پر شکست دیکرنیشنز کپ ہاکی کے فائنل میں جگہ بنالی۔

ملائیشیا کے دارالحکومت کوالالمپور میں نیشنز کپ ہاکی کے پہلے سیمی فائنل میں پاکستان اور فرانس کا مقابلہ ہوا۔

فرانس نے پہلے دو ہاف میں 0-2 کی برتری حاصل کی تاہم پاکستان نے تیسرے ہاف میں شاندار کم بیک کرتے ہوئے لگارتار تین گول مار کر اسکور 2-3 کردیا۔

بق چوتھے اور آخری ہاف میں فرانس نے گول کرکے مقابلہ 3-3 سے برابر کردیا، اسی اسکور پر مقررہ وقت کا اختتام ہوا، جس کے بعد مقابلہ پنالٹی شوٹ آؤٹ پر چلا گیا۔

پاکستان نے پنالٹی شوٹ آؤٹ میں بھی شاندار کھیل پیش کرتے ہوئے 4 میں سے 3 گول کرکے میچ میں کامیابی حاصل کی اور فائنل کیلئے کوالیفائی کرلیا۔ فرانس نے اپنی 5 باریوں میں صرف 2 گول کیے۔

نیشنز کپ ہاکی کے دوسرے سیمی فائنل میں 6 بجے جنوبی کوریا اور نیوزی لینڈ مدمقابل ہوں گی، فاتح ٹیم فائنل میں 21 جون کی شام 6 بجے پاکستان سے ٹکرائے گی۔