گورنر خیبر پختونخوا فیصل کریم کنڈی نے کہا ہے کہ پی ٹی آئی حکومت میں سب کچھ فارسیل ہے
پشاور میں میڈیا سے گفتگو کرتے ہوئے فیصل کریم کنڈی نے کہا کہ خیبر پختونخوا میں ٹرانسفر پوسٹنگ فار سیل ہے ، کلاس فور سے لیکر تمام نوکریوں کی بولیاں لگائی جاتی ہیں ۔
فیصل کریم کنڈی نے کہا کہ کے پی حکومت نے 20 ہزار ملازمین فارغ کیے تاکہ ان پوسٹوں کی بولیاں لگائی جائیں ۔ یونیورسٹیوں میں وائس چانسلرز کی نشستوں کی بولیاں لگائی جائیں گی ، وائس چانسلرز کی تعیناتیوں کیلئے سرچ کمیٹی نہیں بنائی گئی ۔
انہو ں نے کہاکہ دشمن بھی گھر آجائے تو اس کیساتھ احترام سے پیش آتاہوں ، وزیر اعلیٰ کیساتھ کچھ لمحے مشکل سے گزار لیتاہوں ۔
گورنر کے پی نے کہا کہ وزیراعلیٰ کیساتھ غیر رسمی ملاقات ہوتی ہے ، ملاقات میں ہنسناہی پڑتاہے ۔انہوں نے کہا کہ قاضی انور یا کسی اور کا بیٹا یا بیٹی میرٹ پر آتے ہیں تو ٹھیک ہے کسی اور کا حق نہیں مارنا چاہیے ، وہ کسی کمیٹی کا رکن کیوں نہ ہو۔
