آئی سی سی ٹی 20 ورلڈ کپ، نیدر لینڈز نے نمیبیا کو 7 وکٹوں سے شکست دے کر ٹورنامنٹ میں پہلی فتح حاصل کر لی۔
نئی دہلی کے ارون جیٹلے اسٹیڈیم میں کھیلے گئے آئی سی سی ٹی 20 ورلڈ کپ 2026 کے گروپ اے میچ میں نیدر لینڈز نے نمیبیا کو 7 وکٹوں سے شکست دے کر ٹورنامنٹ میں اپنی پہلی کامیابی اپنے نام کر لی۔
میچ کے آغاز میں نیدر لینڈز نے ٹاس جیت کر نمیبیا کو پہلے بیٹنگ کی دعوت دی۔ نمیبیا نے مقررہ اوورز میں 8 وکٹوں کے نقصان پر 156 رنز بنائے۔ نمیبیا کی جانب سے جان نیکل نمایاں بیٹر رہے، جنہوں نے 38 گیندوں پر 42 رنز اسکور کیے، جس میں دو چھکے اور ایک چوکا شامل تھا۔
نیدر لینڈز نے 157 رنز کے ہدف کے تعاقب میں جارحانہ کھیل پیش کیا اور صرف 18 ویں اوور میں میچ جیت لیا۔ بیس دی لیڈ نے شاندار بیٹنگ کرتے ہوئے 48 گیندوں پر 72 رنز بنائے، جن میں پانچ چوکے اور چار چھکے شامل تھے، اور ٹیم کی فتح میں اہم کردار ادا کیا۔
ٹورنامنٹ میں آج اگلا مقابلہ نیوزی لینڈ اور یو اے ای کے درمیان ہوگا، جبکہ شام کو پاکستان اور یو ایس اے کی ٹیمیں آمنے سامنے ہوں گی۔ یہ میچز گروپ مرحلے میں ٹیموں کی کارکردگی اور پوزیشن کے لیے اہم ثابت ہوں گے۔
