وزیراعظم شہباز شریف نے نیشنل لاجسٹکس کارپوریشن کو پی این ایس سی میں 30 فیصد حصص کی خریداری کی منظوری دے دی۔
وزیراعظم شہباز شریف نے قومی لاجسٹکس کارپوریشن (این ایل سی) کو پاکستان نیشنل شپنگ کارپوریشن (پی این ایس سی) میں 30 فیصد حصص کی خریداری اور مینجمنٹ کنٹرول کے منتقلی کی منظوری دے دی ہے۔ اس کے ساتھ این ایل سی کو کنسولیڈیشن کے حقوق بھی حاصل ہوں گے۔
یہ اہم پیش رفت منگل کو پاکستان اسٹاک ایکسچینج (پی ایس ایکس) کو جاری نوٹس میں سامنے آئی، جس میں PNSC نے بتایا کہ اسے وزارتِ بحری امور سے رسمی اطلاع موصول ہوئی ہے، جس میں وزیراعظم کی منظوری دی گئی اور یہ فیصلے متعلقہ قوانین اور کمپنی کے بائی لاز کے مطابق ہیں
نوٹس کے مطابق، وزیراعظم کی ہدایت کے بعد این ایل سی نے رسمی طور پر حصص اور مینجمنٹ کنٹرول کے حصول کے لیے اپنی دلچسپی ظاہر کی ہے۔ تاہم مالی شرائط اور ٹرانزیکشن کی تکمیل کا شیڈول ابھی سامنے نہیں آیا۔
پاکستان نیشنل شپنگ کارپوریشن، جو وزارتِ بحری امور کے تحت کام کرتی ہے، دنیا بھر میں خشک اور مائع مال برداری کی خدمات فراہم کرتی ہے۔ کمپنی کے پاس 12 بحری جہازوں کا بیڑہ موجود ہے جس کی مجموعی ڈیڈ ویٹ کیپیسٹی 938,876 ٹن ہے۔ شپنگ آپریشنز کے علاوہ کمپنی ریئل اسٹیٹ کے کاروبار اور مرمت کی ورکشاپ بھی چلاتی ہے۔
یہ فیصلہ ملکی شپنگ اور لاجسٹکس کے شعبے میں اہم سنگ میل کے طور پر دیکھا جا رہا ہے اور توقع کی جا رہی ہے کہ اس سے پی این ایس سی کی کارکردگی اور مالی استحکام میں اضافہ ہوگا۔
