دادو سے تعلق رکھنے والے ممتاز عالم دین مولانا مفتی حبیب الملکانی نے سینیٹر علامہ راجہ ناصر عباس کے حالیہ بیانیے کو تفرقہ انگیز قرار دیتے ہوئے اس کی شدید مذمت کی ہے اور واضح کیا ہے کہ مسلمانوں کو فرقہ وارانہ حدود سے بالاتر ہو کر متحد رہنے کی ضرورت ہے۔
انہوں نے اپنے بیان میں اس بات پر زور دیا کہ موجودہ حالات میں نظم و ضبط اور باہمی ہم آہنگی کو برقرار رکھنا وقت کی اہم ضرورت ہے تاکہ ملک دشمن عناصر کو ناکامی کا سامنا کرنا پڑے۔
مفتی حبیب الملکانی نے قومی یکجہتی کے تحفظ کے لیے پاک فوج اور ریاست پاکستان کے ساتھ غیر متزلزل حمایت کا اعادہ کرتے ہوئے کہا کہ ہر مشکل گھڑی میں عوام اپنی افواج کے ساتھ کھڑے ہیں اور کسی کو بھی ملکی اتحاد کو پارہ پارہ کرنے کی اجازت نہیں دی جائے گی۔
انہوں نے مزید کہا کہ پاکستان کا استحکام صرف اور صرف مکمل اتحاد اور حب الوطنی میں پنہاں ہے جس کے لیے تمام طبقات کو مل کر کردار ادا کرنا ہوگا۔
