وزیراعظم شہبازشریف اور ایرانی صدر مسعود پزشکیان کے درمیان ایک اہم ٹیلیفونک رابطہ ہوا جس میں دونوں رہنماؤں نے خطے کی صورتحال اور امن کے فروغ پر تفصیلی تبادلہ خیال کیا۔
ذرائع کے مطابق دونوں رہنماؤں کے درمیان تقریباً 50 منٹ تک گفتگو جاری رہی۔ اس دوران وزیراعظم شہباز شریف نے اسلام آباد میں ہونے والے مذاکرات میں ایرانی وفد کی شرکت کو سراہا اور ایرانی وزیر خارجہ عباس عراقچی کی قیادت میں وفد کے دورۂ پاکستان کا خیرمقدم کیا۔
Had a warm and constructive telephone exchange this evening with my brother, President Masoud Pezeshkian, on the evolving regional situation.
I appreciated Iran’s continued engagement, including the high-level delegation to Islamabad led by Foreign Minister Abbas Araghchi, whom…
— Shehbaz Sharif (@CMShehbaz) April 25, 2026
وزیراعظم نے ایرانی وفد کے ساتھ ہونے والی دو گھنٹے طویل تفصیلی ملاقات کا بھی ذکر کیا اور صدر پزشکیان کو عالمی رہنماؤں کے ساتھ ہونے والے اپنے سفارتی رابطوں سے آگاہ کیا، انہوں نے خطے میں پائیدار امن کے قیام کے لیے مکالمے اور سفارتکاری کی اہمیت پر زور دیا۔
گفتگو کے دوران وزیراعظم نے فیلڈ مارشل عاصم منیر کے حالیہ دورۂ تہران کو مفید قرار دیا اور دونوں ممالک کے درمیان بڑھتے ہوئے تعاون کو سراہا۔
یہ بھی پڑھیں: بڑا سفارتی موڑ! فیلڈ مارشل عاصم منیر اور ایرانی وزیرخارجہ عباس عراقچی کی پہلی اہم ملاقات
ایرانی صدر مسعود پزشکیان نے پاکستان کی جانب سے امن کے لیے کی جانے والی کوششوں کو سراہتے ہوئے وزیراعظم شہباز شریف، فیلڈ مارشل عاصم منیر اور نائب وزیراعظم اسحاق ڈار کی کاوشوں کا شکریہ ادا کیا۔
دونوں رہنماؤں نے پاکستان اور ایران کے برادرانہ تعلقات کو مزید مضبوط بنانے کے عزم کا اعادہ کیا جبکہ وزیراعظم شہباز شریف نے ایرانی سپریم لیڈر مجتبیٰ خامنہ ای کے لیے نیک تمناؤں کا پیغام بھی پہنچایا۔
ٹیلیفونک رابطے کے اختتام پر دونوں رہنماؤں نے باہمی رابطوں اور قریبی مشاورت کو جاری رکھنے پر اتفاق کیا۔
