اڈیالہ جیل میں بانی پی ٹی آئی سے ملاقات کے لیے رفقاء کی فہرست جیل حکام کو فراہم کر دی گئی۔ پی ٹی آئی کے فوکل پرسن چودھری اویس یونس ایڈووکیٹ نے ملاقات کرنے والے افراد کے ناموں پر مشتمل فہرست جیل انتظامیہ کے حوالے کی۔
ذرائع کے مطابق بانی پی ٹی آئی سے ملاقات کرنے والوں میں سیمابیہ طاہر، عثمان جوڑا اور اسد عباس شامل ہیں۔ اس کے علاوہ ملک یاسر پتوالی، ملک عظیم اور روحیل انجم کے نام بھی ملاقات کنندگان کی فہرست میں شامل کیے گئے ہیں۔
جیل حکام کی جانب سے فہرست کا جائزہ لینے کے بعد قواعد و ضوابط کے مطابق ملاقات کے عمل کو یقینی بنایا جائے گا۔
