خیبر پختونخوا کے ضلع بنوں میں تھانہ میریان پر دہشت گردوں کی جانب سے کیا گیا خودکش حملہ ناکام بنا دیا گیا ہے جس کے بعد پولیس اور فتنہ الخوارج کے دہشت گردوں کے درمیان شدید فائرنگ کا تبادلہ جاری ہے۔
ذرائع کے مطابق دہشت گردوں نے تھانہ میریان کو نشانہ بنانے کی کوشش کی تاہم الرٹ پولیس اہلکاروں نے فوری اور مؤثر جوابی کارروائی کرتے ہوئے خودکش حملے کو ناکام بنا دیا۔
حملے کے بعد علاقے میں فائرنگ کا سلسلہ شروع ہو گیا جو تاحال جاری ہے۔
یہ بھی پڑھیں : فتنہ الخوارج کے آخری دہشت گرد کے خاتمے تک آپریشن جاری رہے گا،آئی جی بلوچستان کا شعبان آپریشن کے محاذ کے دورے کے دوران گفتگو
واقعے کی اطلاع ملتے ہی سیکیورٹی فورسز کی اضافی نفری جائے وقوعہ کی طرف روانہ کر دی گئی ہے تاکہ علاقے کو گھیرے میں لے کر دہشت گردوں کا صفایا کیا جا سکے۔
