ارشد چائے والا کے پاسپورٹ تجدید میں تاخیر،پاسپورٹ اتھارٹی سے جواب طلب

اسلام آباد ہائیکورٹ نے معروف ماڈل ارشد خان چائے والا کا شناختی کارڈ ان بلاک ہونے کے باوجود پاسپورٹ کی تجدید نہ کرنے پر پاسپورٹ اتھارٹی سے تحریری جواب طلب کر لیا ہے۔

جسٹس عمیر مجید ملک نے کیس کا دو صفحات پر مشتمل حکم نامہ جاری کرتے ہوئے استفسار کیا کہ ایک سال گزرنے کے باوجود پاسپورٹ کی تجدید کیوں نہیں ہوئی۔ عدالت نے پاسپورٹ اتھارٹی کو تاخیر کی وجوہات پیش کرنے کی ہدایت کر دی ہے۔

عدالت میں ارشد چائے والا کے وکیل بیرسٹر عمر اعجاز گیلانی نے موقف اپنایا کہ نادرا نے ہائیکورٹ کے فیصلے پر شناختی کارڈ ان بلاک کر دیا تھا، جس کے بعد 20 اگست 2025 کو پاسپورٹ تجدید کی درخواست دی گئی تھی۔ڈیلیوری کی مقررہ تاریخ 28 اگست 2025 تھی تاہم اب تک پاسپورٹ جاری نہیں کیا گیا۔