افغانستان کے صوبے ننگرہار کے دارالحکومت جلال آباد سے ایک ویڈیو سوشل میڈیا پر وائرل ہو رہی ہے جس میں طالبان کے 15 اگست کے کنٹرول سے متعلق اقتدار کے دن کی مناسبت سے گاڑیوں کا ایک قافلہ سفید پرچم لہراتے ہوئے شہر کی شاہراہوں پر گزرتا دکھائی دے رہا ہے۔
ویڈیو بنانے والے مقامی افغان شہری نے پشتو زبان میں سخت غم و غصے کا اظہار کرتے ہوئے طالبان پر شدید تنقید کی۔
شہری کا کہنا تھا کہ ایک طرف عام افغان باشندے شدید معاشی بدحالی، فاقہ کشی اور بے روزگاری سے بدحال ہیں جبکہ دوسری جانب طالبان شہروں میں قیمتی گاڑیوں اور سجے ہوئے قافلوں کے ذریعے نمائش کر رہے ہیں۔
یہ بھی پڑھیں : افغانستان میں طالبان رجیم کے مظالم سے عوام تنگ، کمانڈر کو دیکھتے ہی فائرنگ کردی، ویڈیو سوشل میڈیا پر وائرل
سوشل میڈیا پر شیئر کی جانے والی اس ویڈیو میں سڑک پر موجود عام شہریوں اور تاجروں کو اس پریڈ کو خاموشی اور شدید ناپسندیدگی کے ساتھ دیکھتے ہوئے دکھایا گیا ہے۔
