میدان بدلا، ٹیم بدلی مگر کارکردگی نہ بدل سکی، انگلینڈ کے خلاف تیسرے ٹیسٹ میں بھی پاکستانی ٹیم کا آغاز مایوس کن رہا اور پوری ٹیم صرف 133 رنز پر ڈھیر ہوگئی۔
کھلاڑی بدلنے کے باوجود قومی بیٹنگ لائن ایک بار پھر دباؤ کا شکار رہی اور سات کھلاڑی ڈبل فگر میں بھی داخل نہ ہوسکے۔
صائم ایوب کھاتہ کھولے بغیر پویلین لوٹے، اذان اویس 9، عبداللہ شفیق 3 اور شان مسعود صرف 5 رنز بنا سکے۔ کپتان بابر اعظم بھی 7 رنز پر آؤٹ ہوگئے۔
پاکستان کی پہلی وکٹ 8، دوسری 14، تیسری 24 اور چوتھی 26 رنز پر گری۔ ساتویں وکٹ 84، آٹھویں 101 جبکہ نویں وکٹ 107 رنز پر گر گئی۔
تین ٹیسٹ میچوں کی سیریز میں انگلینڈ کو پہلے ہی دو صفر کی فیصلہ کن برتری حاصل ہے۔
یہ بھی پڑھیں:انگلینڈ کیخلاف تیسرے ٹیسٹ کیلئے ہدف کیا ہے؟ عبوری کوچ نے بتادیا
انگلینڈ کی جانب سے جوش ٹنگ اور اولی رابنسن نے 3،3 جبکہ جوفرا آرچر نے 2 وکٹیں حاصل کیں۔
