وفاقی وزیر اطلاعات و نشریات عطا تارڑ نے کہا ہے کہ ڈی جی آئی ایس پی آر کی پریس کانفرنس نے بھارتی فوج کے فیک انکاؤنٹر کا پول کھول دیا ہے۔
وفاقی وزیر عطا تارڑ نے ایکس اکاؤنٹ میں اپنے پیغام میں کہا کہ ریٹائرڈ حوالدار محمد آصف زندہ سلامت ہیں تو بھارت کو جواب دینا ہوگا کہ فیک انکاؤنٹر میں کس بے گناہ کشمیری کو شہید کیا گیا۔
وزیر اطلاعات نے کہا کہ ایک معصوم کشمیری کی لاش کو محمد آصف کے نام سے پیش کرنا بھارت کے لیے بڑی ہزیمت ہے۔
The question which arises from DG ISPR’s Press Conference is that since M Asif is alive and well, the Indian Army must have killed an innocent Kashmiri whose body they claim to have recovered.
Since DG ISPR has presented M Asif in his press conference, the Indian side has a lot… https://t.co/ZcvvicksFL
— Attaullah Tarar (@TararAttaullah) October 2, 2026
انہوں نے کہا کہ محمد آصف کی میڈیا کے سامنے موجودگی کے بعد بھارتی فوج کو وضاحت دینا ہوگی کہ فیک انکاؤنٹر میں کس شخص کو ہلاک کیا گیا۔
وزیر اطلاعات عطا تارڑ نے مزید کہا کہ بھارت وضاحت کرے کہ جس شخص کو محمد آصف قرار دے کر پیش کیا گیا وہ دراصل کون تھا اور فیک انکاؤنٹر میں کس بے گناہ شخص کی جان لی گئی۔
یہ بھی پڑھیں: 29 ستمبر کو مقبوضہ کشمیر میں بھارتی فوج کا نام نہاد آپریشن: ڈی جی آئی ایس پی آر نے بھارتی پروپیگنڈا بے نقاب کر دیا
واضح رہے گزشتہ روز ڈی جی آئی ایس پی آر لیفٹیننٹ جنرل احمد شریف نے ریٹائرڈ حوالدار محمد آصف کو میڈیا کے سامنے پیش کرکے بھارتی پروپیگنڈا بے نقاب کیا تھا، بھارت نے محمد آصف کے فیک انکاؤنٹر کی خبر دی تھی۔
