آل پاکستان جیمز اینڈ جیولرز ایسوسی ایشن نے اعلان کیا ہے کہ ملک بھر میں فی تولہ سونے کی قیمت میں 1300 روپے کا اضافہ ریکارڈ کیا گیا ہے، جس کے بعد سونے کی قیمت 3 لاکھ 59 ہزار 300 روپے فی تولہ ہوگئی ہے۔
ایسوسی ایشن کے مطابق 10 گرام سونے کی قیمت میں بھی 1114 روپے کا اضافہ ہوا ہے، جو اب 3 لاکھ 8 ہزار 41 روپے تک پہنچ گئی ہے۔
دوسری جانب عالمی مارکیٹ میں سونے کا بھاؤ بھی بڑھ کر 13 ڈالر اضافے سے 3366 ڈالر فی اونس پر پہنچ گیا ہے، جو عالمی سطح پر سونے کی مانگ اور دیگر عوامل کی عکاسی کرتا ہے۔
