علی امین گنڈاپور نے کہا ہے کہ ہمارے صوبے کے پیسے نہیں دیئے جارہے پشاور میں میڈیا سے گفتگو کرتے ہوئے انہوںنے کہاکہ حیران ہوں کہ وفاق تو ہم پر سیاسی مقدمات قائم کررہاہے ،
وفاق کیسز تو بنا رہا ہے لیکن امن وامان کی صورتحال پر توجہ نہیں دے رہا ۔انہوں نے کہاکہ افغانستان کیساتھ مذاکرات کیلئے ٹی او آرز بنائے ہیں افغانستان سے بغیر بات چیت کے یہ مسائل حل نہیں ہوں گے کرم میں امن وامان قائم رکھنے کیلئے کام کررہے ہیں
کرم میں جن لوگوں نے حملہ کیا ان کو نہیں چھوڑا جائیگا۔علی امین گنڈاپور نے کہاکہ یہ دہشتگردی روکنے کیلئے پالیسی نہیں بنا رہے ہیں ان کو کوئی پرواہ ہی نہیں ، انہوں نے ساری توجہ پی ٹی آئی پر دی ، دہشتگردی نے دوبارہ سر اُٹھادیا۔وفاقی قرضوں پر قرضے لیے جارہے ہیں
ان کی کیا کارکردگی ہے؟ پنجاب حکومت اشتہارات دے رہی ہے کارکردگی کچھ نہیں ۔ارباب نیاز سٹیڈیم کا نام عمران کے نام سے منسوب کرنا عوام کی خواہش تھی ، عمران کو اسٹیڈیم بارے غلط رپورٹ پیش کی گئی ، اسٹیڈیم میں پختونخوا کی اپنی سپر لیگ بھی شروع کررہے ہیں ۔
