سابق وزیراعلیٰ خیبرپختونخوا علی امین گنڈاپور کے خلاف تھانہ گولڑہ میں درج مقدمے کی سماعت ایڈیشنل ڈسٹرکٹ اینڈ سیشن جج نصر من اللہ بلوچ نے کی۔
سماعت کے دوران علی امین گنڈاپور کی عدم حاضری کے باعث گواہان کے بیانات ریکارڈ نہ ہو سکے، جس پر عدالت نے استغاثہ کے گواہان کو دوبارہ طلب کر لیا اور کیس کی سماعت 17 جون تک ملتوی کر دی۔
عدالت نے ملزم کی جانب سے دائر کی گئی حاضری سے استثنیٰ کی درخواست بھی مسترد کر دی۔
ذرائع کے مطابق آڈیو لیک کیس میں عدالت نے سابق وزیراعلیٰ علی امین گنڈاپور کو گرفتار کر کے پیش کرنے کا حکم بھی جاری کیا ہے۔
