شہزاد راجہ
ضلع مردان کی تحصیل رستم کے علاقے چینگے بابا میں موٹر سائیکل اور چنگچی رکشہ کے درمیان ہونے والے تصادم کے نتیجے میں ایک خاتون اور بچی سمیت چار افراد زخمی ہو گئے ہیں۔
واقعے کی اطلاع ملتے ہی ریسکیو 1122 کی میڈیکل ٹیم نے فوری طور پر جائے وقوعہ پر پہنچ کر امدادی کارروائیوں کا آغاز کیا اور تمام زخمیوں کو موقع پر ابتدائی طبی امداد فراہم کی۔
بعد ازاں زخمیوں کو بہتر علاج و معالجے کے لیے رستم کے ٹائپ ڈی اسپتال منتقل کر دیا گیا ہے۔
