شاہد آفریدی کا گمشدہ پالتو کتا میکس بحفاظت گھر پہنچ گیا

پاکستان, پختونخوا ڈیجیٹل / Leave a Comment /

پاکستان کرکٹ ٹیم کے سابق کپتان شاہد آفریدی کا اسلام آباد سے گمشدہ ہونے والا پالتو کتا میکس مل گیا اور بحفاظت گھر پہنچ گیا۔

شاہد آفریدی نے سماجی رابطے کی ویب سائٹ ایکس پر اپنے پیغام میں میکس کے ملنے کی اطلاع دیتے ہوئے ان تمام افراد کا شکریہ ادا کیا جنہوں نے ان کی پوسٹ کو لائک، کمنٹ اور شیئر کیا۔

شاہد آفریدی نے کہا کہ میکس مل گیا ہے اور بحفاظت گھر پہنچ گیا ہے، انہوں نے کہا کہ اس شاندار کمیونٹی کے تعاون کے بغیر یہ ممکن نہیں تھا۔

واضح رہے کہ گزشتہ روز شاہد آفریدی نے اپنے پالتو کتے کے اسلام آباد میں گم ہونے کی اطلاع دی تھی، انہوں نے کہا تھا کہ میکس کو انہوں نے خاندان کے ایک فرد کی طرح پالا ہے اور وہ صرف 30 دن کی عمر میں ایک شدید بیماری سے بھی صحت یاب ہوا تھا۔

سابق کپتان نے عوام سے اپیل کی تھی کہ اگر کسی کو میکس نظر آئے تو اسے محفوظ رکھیں اور اسے واپس گھر پہنچانے میں مدد کریں۔

یہ بھی پڑھیں: شاہد آفریدی کا پالتو کتا اسلام آباد سے لاپتا، شہریوں سے مدد کی اپیل

میکس کے بحفاظت ملنے پر شاہد آفریدی نے سوشل میڈیا صارفین اور ان تمام افراد کا خصوصی شکریہ ادا کیا جنہوں نے کتے کی تلاش میں ان کی مدد کی اور پیغام کو زیادہ سے زیادہ لوگوں تک پہنچایا۔

Must Read

Scroll to Top