حکومت نے پیٹرولیم مصنوعات کی قیمتوں میں ایک بار پھر اضافے کا اعلان کر دیا ہے۔
وزارتِ خزانہ کی جانب سے جاری کردہ تازہ فیصلے کے مطابق پیٹرول کی قیمت میں 6 روپے 88 پیسے فی لیٹر اضافہ کیا گیا ہے جس کے بعد پیٹرول کی نئی قیمت 391 روپے 22 پیسے فی لیٹر مقرر ہو گئی ہے۔
اسی طرح ہائی اسپیڈ ڈیزل کی قیمت میں بھی 5 روپے 62 پیسے فی لیٹر کا اضافہ کر دیا گیا ہے جس سے ڈیزل کی نئی قیمت 421 روپے 45 پیسے فی لیٹر کی سطح پر پہنچ گئی ہے۔
واضح رہے کہ گذشتہ حکومت نے اوگرا کی سفارشات پر پیٹرول کی قیمت میں 4.10 روپے فی لیٹر اضافہ کر کے اسے 384.34 روپے جبکہ ڈیزل کی قیمت میں 6.41 روپے فی لیٹر اضافہ کر کے اسے 415.83 روپے فی لیٹر کیا تھا۔
وزارت کے حکام کے مطابق عالمی مارکیٹ میں خام تیل اور پیٹرولیم مصنوعات کے ریٹس اور پریمیم میں ہونے والی مسلسل تبدیلیوں کے باعث قیمتوں میں یہ ترمیم کی گئی ہے۔





