وزیراعظم کے مشیر رانا ثنا اللہ نےکہا ہے کہ اگر بھارت نے پاکستان کا پانی روکنے کیلئے کوئی بھی ڈیم تعمیر کرنے کی کوشش کی تو پاکستان اسے نیست و نابود کر دے گا۔
تفصیلات کے مطابق نجی ٹی وی سے گفتگو کرتے ہوئے رانا ثنا اللہ نے واضح کیا کہ پاکستان کی مسلح افواج اس حوالے سے مکمل صلاحیت رکھتی ہیں اور بھارت کی کوئی بھی ایسی کوشش کامیاب نہیں ہونے دی جائے گی۔ انہوں نے کہا کہ پانی روکنے کے لیے بھارت کی طرف سے کوئی بھی ڈیم بنایا گیا تو پاکستان اسے بننے سے پہلے ہی ختم کر دے گا۔
مشیر وزیراعظم نے مزید کہا کہ پانی روکنے کی کسی بھی بھارتی کوشش کو ناکام بنانا پاکستان کی اولین ترجیح ہے، اور اس معاملے میں کسی قسم کی نرمی یا سمجھوتہ نہیں کیا جائے گا۔
رانا ثنا اللہ نے کہا کہ پاکستان اپنے پانی کے حقوق کا ہر صورت دفاع کرے گا اور دشمن کی کسی بھی سازش کو کامیاب نہیں ہونے دے گا۔
