گورنر خیبر پختونخوا فیصل کریم کنڈی نے کہا ہے کہ صوبے کے مختلف علاقوں میں امن وامان کی صورتحال خراب ہے ۔پشاور میں پریس کانفرنس سے خطاب میں فیصل کریم کنڈی نے کہا ہے کہ صوبے میں امان وامان سے متعلق نشست کا فیصلہ کیا ہے ۔ان کا کہنا ہے کہ ماضی میں صوبہ مشکل دور سے گزرا ہے ، کے پی کے لوگوں نے بہت قربانیاں دی ہیں ۔پیپلزپارٹی کے رہنما نے کہا کہ ہمیں امن کے پیغام کو آگے لیکر چلنا ہے تاکہ ملک ترقی کرے ۔انہوں نے یہ بھی کہا ہے کہ ہمارے پاس ٹیلنٹ کی کوئی کمی نہیں ، اسے استعمال کیسے کرتے ہیں وہ ہم پر منحصر ہے ہم نے آل پارٹیز کانفرنس کا انعقاد کیاتھا۔
