اسلام آباد: توانائی کی ریگولیٹری اتھارٹی اوگرا نے آر ایل این جی کی قیمتوں میں کمی کا نوٹیفکیشن جاری کردیا ہے۔
نئے نوٹیفکیشن کے مطابق سوئی ناردرن اور سوئی سدرن کے صارفین کے لیے درآمدی آر ایل این جی کی قیمتوں میں واضح کمی کی گئی ہے، جس کا اطلاق یکم دسمبر 2025 سے ہوگا۔
اوگرا کی جانب سے جاری کردہ نوٹیفکیشن میں بتایا گیا ہے کہ سوئی ناردرن کے صارفین کے لیے آر ایل این جی کی قیمت میں 4.61 فیصد کمی کی گئی ہے۔ نئی مقررہ قیمت 11.82 ڈالرز فی ایم ایم بی ٹی یو رکھی گئی ہے، جو صارفین کے لیے ریلیف کا سبب بنے گی۔
اسی طرح سوئی سدرن کے صارفین کے لیے آر ایل این جی کی قیمت میں 5.90 فیصد کمی کی گئی ہے، اور نئی قیمت 10.77 ڈالرز فی ایم ایم بی ٹی یو مقرر کی گئی ہے۔ اوگرا نے واضح کیا کہ یہ نئی قیمتیں یکم دسمبر سے نافذ العمل ہوں گی اور صارفین کو اس سے فائدہ ہوگا۔
ماہرین کا کہنا ہے کہ آر ایل این جی کی قیمتوں میں کمی کا فیصلہ عالمی مارکیٹ میں گیس کی قیمتوں میں کمی اور درآمدی لاگت میں کمی کی وجہ سے ممکن ہوا ہے۔
توانائی کے صارفین کے لیے یہ قدم بجلی کی قیمتوں اور گیس بلوں میں بھی ریلیف فراہم کر سکتا ہے۔
اس اقدام سے نہ صرف گھریلو صارفین بلکہ صنعتی اور تجارتی شعبے بھی مستفید ہوں گے، کیونکہ آر ایل این جی کے استعمال سے پیدا ہونے والے اخراجات میں کمی آئے گی۔
اوگرا کی جانب سے یہ فیصلہ توانائی کے شعبے میں شفافیت اور صارفین کے مفاد کو یقینی بنانے کے لیے بھی اہم تصور کیا جا رہا ہے۔
یہ بھی پڑھیں : حکومت کا پیٹرولیم مصنوعات کی نئی قیمتوں کا اعلان
حکومت نے آئندہ 15 روز کے لیے پیٹرول اور ڈیزل کی نئی قیمتوں کا اعلان کر دیا ہے۔
خزانہ ڈویژن کی جانب سے جاری اعلامیے میں بتایا گیا ہے کہ پیٹرولیم مصنوعات کی قیمتوں میں دروبدل آئل اینڈ گیس ریگیولیٹری اتھارٹی (اوگرا) اور متعلقہ وزارتوں کی سفارش پر کیا گیا ہے۔
وزارت خزانہ کے مطابق پیٹرول کی فی لیٹر قیمت 263روپے45 پیسے پر برقرار رکھا گیا ہے جبکہ ڈیزل کی فی لیٹرقیمت میں14روپے کمی کی گئی ہے۔
نوٹیفکیشن کے مطابق پیٹرول کی فی لیٹر قیمت 263 روپے45 پیسے جبکہ ڈیزل کی نئی قیمت 265 روپے65پیسے ہو گئی ہے۔
