پشاور : خیبرپختونخوا کے مختلف سرحدی پوائنٹس سے افغان شہریوں کی واپسی اور ڈیپورٹیشن کا عمل بدستور جاری ہے۔
سرکاری ذرائع کے مطابق اب تک مجموعی طور پر 9 لاکھ 88 ہزار 812 افغان شہریوں کو وطن واپس بھیجا جا چکا ہے۔
ان میں مختلف کیٹیگریز کے شہری شامل ہیں:
پروف آف رجسٹریشن (PoR) کارڈ ہولڈرز: 2 لاکھ 30 ہزار 470 افراد
افغان سیٹیزن کارڈ (ACC) ہولڈرز: 71 ہزار 570 افراد
غیر قانونی تارکین وطن: 6 لاکھ 86 ہزار 772 افراد
گزشتہ روز 2,312 افغان شہری مختلف کیٹیگریز میں واپس بھیجے گئے، جن میں شامل تھے:
PoR کارڈ ہولڈرز: 1,522
ACC کارڈ ہولڈرز: 277
غیر قانونی تارکین وطن: 513
یہ عمل خاص طور پر تورخم بارڈر سے انجام دیا گیا۔ حکام کا کہنا ہے کہ افغان شہریوں کی واپسی کا عمل قانونی اور شفاف انداز میں جاری ہے اور ہر شہری کو ان کے قانونی حقائق اور کیٹیگریز کے مطابق واپس بھجوایا جا رہا ہے۔
یہ بھی پڑھیں : افغانستان کیلئے امدادی اشیاء کے 9 کارگو کنٹینرز طورخم بارڈر کی طرف روانہ
سرحدی انتظامیہ نے کہا کہ اس عمل میں کسی بھی قسم کی دشواری یا غیر قانونی سرگرمی کی گنجائش نہیں ہے، اور عوامی تعاون سے یہ عمل بغیر کسی رکاوٹ کے کامیابی سے جاری ہے۔
یہ ڈیپورٹیشن اور واپسی کا سلسلہ خیبرپختونخوا میں افغان مہاجرین کی رجسٹریشن، شناخت اور ملکی قوانین کی پاسداری کے تناظر میں شروع کیا گیا ہے، تاکہ سرحدی علاقوں میں امن و امان اور شہری سہولیات میں بہتری لائی جا سکے۔
