جنگ بندی صدر ٹرمپ کی جراتمندانہ اور دانشمندانہ سفارتی کوششوں سے ممکن ہوئی، وزیراعظم شہباز شریف

پاکستان, پختونخوا ڈیجیٹل, تازہ ترین, دنیا / Leave a Comment /

وزیرِ اعظم شہباز شریف نے لبنان میں جنگ بندی کے اعلان کا خیرمقدم کرتے ہوئے اسے خطے میں امن کے لیے اہم پیش رفت قرار دیا ہے۔

وزیرِ اعظم شہبازشریف نے ایکس پر اپنے بیان میں کہا ہے کہ یہ جنگ بندی امریکی صدر ڈونلڈ ٹرمپ کی جرات مندانہ اور دانشمندانہ سفارتی کوششوں سے ممکن ہوئی، جو قابلِ ستائش ہے۔

انہوں نے امید ظاہر کی کہ یہ پیش رفت خطے میں پائیدار امن کی راہ ہموار کرے گی اور کشیدگی میں کمی لانے میں مددگار ثابت ہوگی۔

وزیرِ اعظم شہباز شریف نے اس عزم کا اعادہ کیا کہ پاکستان لبنان کی خودمختاری اور علاقائی سالمیت کی غیر متزلزل حمایت جاری رکھے گا۔

یہ بھی پڑھیں:ایران سے جنگ کیوں کرنی پڑی؟ ٹرمپ نے حیران کن وجہ بتا دی

وزیراعظم شہبازشریف نے مزید کہا کہ پاکستان خطے میں دیرپا امن کے قیام کے لیے تمام مثبت اور تعمیری کوششوں کی حمایت جاری رکھے گا۔

Must Read

Scroll to Top