واشنگٹن:امریکی صدر ڈونلڈ ٹرمپ نے دعویٰ کیا ہے کہ امریکی بحریہ نے ایک ایرانی پرچم بردار جہاز کو اپنی تحویل میں لے لیا ہے جو آبنائے ہرمز میں امریکہ کی جانب سے قائم ناکہ بندی کو عبور کرنے کی کوشش کر رہا تھا۔
ٹرمپ نے اپنے سوشل میڈیا بیان میں کہا کہ امریکی بحریہ کے ایک جنگی جہاز نے خلیج عمان میں اس جہاز کو روکنے کی کوشش کی اور اسے واضح طور پر رکنے کی وارننگ دی گئی، تاہم جہاز کے ایرانی عملے نے احکامات ماننے سے انکار کر دیا۔
BREAKING: The Pentagon has released footage of the US Navy OPENING FIRE on an Iranian-flagged cargo ship who IGNORED warnings to turn around over a six hour period
“Motor vessel TOUSKA! Motor vessel TOUSKA! Vacate your engine room, vacate your engine room. We’re prepared to… pic.twitter.com/OaJr32NySa
— Nick Sortor (@nicksortor) April 19, 2026
ان کے مطابق اس کے بعد امریکی بحری جہاز نے کارروائی کرتے ہوئے جہاز کے انجن والے حصے کو نشانہ بنایا، جس کے نتیجے میں وہ اپنی حرکت جاری نہ رکھ سکا۔
انہوں نے کہا کہ اس وقت امریکی میرین اہلکار اس جہاز کو اپنی تحویل میں لے چکے ہیں اور اس پر مکمل کنٹرول حاصل کر لیا گیا ہے۔
یہ بھی پڑھیں : ایران ،امریکا کشیدگی: پاکستان نہ ہوتا تو صورتحال مزید سنگین ہو سکتی تھی، ایاز صادق
ٹرمپ کے مطابق یہ جہاز پہلے سے ہی امریکی پابندیوں کی فہرست میں شامل تھا اور اس کا ماضی غیر قانونی سرگرمیوں سے جڑا ہوا بتایا جاتا ہے۔
انہوں نے کہا کہ اب اس جہاز پر موجود سامان کا جائزہ لیا جا رہا ہے تاکہ اس کی نوعیت اور ممکنہ مقاصد کا تعین کیا جا سکے۔
یاد رہے کہ ایک طرف امریکی صدر ڈونلڈ ٹرمپ نے ایران سے مذاکرات کیلئے امریکی ٹیم روانہ کرنے کا اعلان کیا جبکہ دوسری طرف ناکہ بندی بھی برقرار رکھی ہے جس پر مذاکرات پر خدشات سامنے آ گئے ہیں
