پاک افغان طورخم بارڈر پر حالیہ کشیدگی کے باعث سرحدی گزرگاہ کی بندش اور متنازع حدود میں تعمیراتی کام کے حوالے سے پاکستان اور افغانستان کے درمیان جرگے کی پہلی نشست اختتام پذیر ہوگئی۔
طورخم بارڈر پر جرگہ مشران کے درمیان مختلف مسائل پر تفصیلی بات چیت ہوئی، عیدالفطر کے بیسویں روز تک سیز فائر ، متنازع حدود میں تعمیراتی کام بند کرنے، طورخم بارڈر پر دو طرفہ تجارتی سرگرمیوں اور مسافروں کے پیدل آمدورفت کے لئے باردر کھولنے پر مثبت بحث ہوئی۔
یہ بھی پڑھیں:طورخم بارڈر بندش، 41 رکنی افغان جرگہ پاکستان پہنچ گیا
جرگے کے دوران فریقین کے درمیان امن برقرار رکھنے اور دیگر مسائل مل کر حل کرنے پر اتفاق ہوا، افغان جرگہ ممبران نے زیر بحث مسائل پر افغان حکام سے بات چیت کرنے کے لئے وقت مانگ لیا، جرگے کی دوسری نشست کل ہوگی۔
