ملک میں پیٹرولیم مصنوعات کی قیمتوں میں بڑی کمی کا امکان ہے۔
نجی ٹی وی کے مطابق ذرائع کا کہنا ہے کہ پیٹرول کی قیمت میں 10 روپے فی لیٹر تک کمی کا امکان ہے جبکہ ہائی اسپیڈ ڈیزل کی قیمت 30 روپے فی لیٹر تک کم ہونے کی توقع ہے۔
وزیراعظم شہباز شریف پیٹرولیم مصنوعات کی قیمتوں میں اس بڑی کمی کی حتمی منظوری دیں گے۔
وزیراعظم کی منظوری ملتے ہی پیٹرولیم ڈویژن کی جانب سے نئی قیمتوں کا باقاعدہ اعلان کر دیا جائے گا۔
واضح رہے کہ حکومت کی جانب سے آئندہ ایک ہفتے کے لیے پیٹرولیم مصنوعات کی قیمتوں کا اعلان آج ہی کیا جائے گا۔
یہ بھی پڑھیں : سستا پیٹرول اسکیم،موٹر سائیکل سواروں کے لیے بڑی خوشخبری آگئی
یاد رہے کہ گزشتہ ہفتے بھی پاکستان میں پٹرول اور ڈیزل کی قیمتوں میں 22 روپے فی لیٹر کمی کی گئی تھی جس کے بعد پٹرول اور ڈیزل کے موجودہ نرخ بالترتیب 381.78 اور 380.78 روپے فی لیٹر ہیں۔
