امریکی سینٹرل کمانڈ (سینٹکام) نے بتایا ہے کہ شمالی عراق میں ایک امریکی فوجی اہلکار کارروائی کے دوران ہلاک ہوگیا۔
سینٹکام کے مطابق یہ واقعہ 18 جولائی کو پیش آیا، جب امریکی فوجی اہلکار ایک گرائے گئے ایرانی یک طرفہ حملہ آور ڈرون سے باقی رہ جانے والے غیر پھٹنے والے گولہ بارود کو کنٹرولڈ دھماکے کے ذریعے تباہ کرنے کی کارروائی میں مصروف تھا۔
CENTCOM Update on Recently Fallen U.S. Service Members
TAMPA, Fla. — Yesterday, U.S. Central Command (CENTCOM) announced the passing of two U.S. service members and the missing status of one in Jordan following an Iranian attack on July 17. After a thorough search, U.S.…
— U.S. Central Command (@CENTCOM) July 19, 2026
امریکی حکام کا کہنا ہے کہ اس واقعے میں ایک اور فوجی اہلکار زخمی ہوا، جسے طبی امداد فراہم کی جا رہی ہے۔
یہ بھی پڑھیں : ایرانی ریال کی قدر میں تاریخی کمی کے بعد جزوی استحکام
یہ واقعہ اردن میں ایرانی حملے کے بعد پیش آیا، جس میں دو امریکی فوجی اہلکار ہلاک جبکہ ایک لاپتا ہوگیا تھا۔ سینٹکام کے مطابق لاپتا اہلکار کی تلاش کے دوران جائے وقوعہ سے نامعلوم انسانی باقیات ملی ہیں، جن کی شناخت اور تصدیق کا عمل جاری ہے۔
سینٹکام نے متاثرہ اہلکاروں کی شناخت سے متعلق مزید معلومات جاری نہیں کیں اور کہا ہے کہ اہلکاروں کے خاندانوں کو اطلاع دینے کے عمل کے احترام میں تفصیلات روک دی گئی ہیں۔
