کوہاٹ : کوہاٹ کے رہائشی نورالٰہی کی فریاد نے مذہب اور تعلیم کے نام پر قابضین کے گھناؤنے چہرے پر سے پردہ اٹھا دیا ہے، جہاں فضل الرحمان کے مدرسے کی آڑ میں ایک غریب شہری کا ذاتی مکان نہ صرف ہضم کر لیا گیا بلکہ اسے اپنے ہی حق مانگنے پر سنگین نتائج اور قانون کی جبریت کا نشانہ بھی بنایا گیا۔
متاثرہ شہری نورالٰہی کے مطابق انہوں نے قاری شیر زمان کی ترغیب اور دینی جذبے کے تحت مدرسے کے بچوں کی رہائش کے لیے اپنا گھر کرائے پر دیا تھا، مگر شروعات کے محض دو ماہ کا کرایہ ادا کرنے کے بعد پچھلے چھ ماہ سے ایک روپیہ بھی نہیں دیا گیا اور اب غنڈہ گردی اور اثر و رسوخ کے بل بوتے پر مکان پر مکمل قبضہ جمایا جا چکا ہے۔
کوہاٹ کے رہائشی نوراللہ کا سنگین الزام: “مولانا فضل الرحمٰن کے مدرسے کے بچوں کے نام پر گھر کرائے پر لیا گیا، 8 ماہ سے کرایہ بند ہے اور اپنے ہی گھر میں داخلے سے روکا جا رہا ہے۔” شہری کی حکومت اور گورنر KP سے انصاف اور مکان واپس دلانے کی اپیل! https://t.co/eRZs1ttuLb
— Tayyab Gondal Official (@TayyabGondal_) October 31, 2026
مظلوم مالک مکان کا کہنا ہے کہ جب انہوں نے اپنے ہی گھر کی طرف قدم بڑھایا تو انہیں وہاں آنے سے سختی سے روک دیا گیا اور دھمکیاں دی گئیں۔
جبکہ حد تو یہ ہے کہ جب انصاف کی امید لے کر پولیس کے پاس پہنچے تو قانون کے رکھوالوں نے ظالموں کا ساتھ دیتے ہوئے الٹا خود نورالٰہی ہی کو حراست میں لے لیا اور ان کی جان و خلاص اندازاً ڈیڑھ لاکھ روپے کی نقد رقم اینٹھنے کے بعد ہی ممکن ہو سکی۔
یہ بھی پڑھیں : فضل الرحمان کے نامی اور بے نامی اثاثوں کی تفصیلات جاری
دینی بیانیے کے پیچھے چھپے اس قبضے اور قانون نافذ کرنے والے اداروں کی اس شرمناک ملی بھگت پر نورالٰہی نے حکومتِ پاکستان اور گورنر خیبر پختونخوا سے فوری اور سخت ترین مداوا کرنے کی پرزور اپیل کی ہے تاکہ ان کا چھینا گیا گھر واپس دلوا کر ذمہ داروں کو قانون کے کٹہرے میں لایا جا سکے۔
