وزیراعلیٰ کے پی سہیل آفریدی کی پنجاب اسمبلی آمد کے موقع پر ہنگامہ آرائی، ملوث افراد کی شناخت مکمل، رپورٹ آئی جی پنجاب کو بھجوا دی گئی۔
وزیراعلیٰ خیبر پختونخوا سہیل آفریدی کی پنجاب اسمبلی آمد کے دوران پیش آنے والے ہنگامہ آرائی کے معاملے کی تحقیقاتی رپورٹ تیار کر لی گئی ہے، جسے اب آئی جی پنجاب کو بھجوانے کا فیصلہ کیا گیا ہے۔ رپورٹ میں ہلڑبازی کرنے والے تمام افراد کی شناخت مکمل کر لی گئی ہے اور ضروری دستاویزات و ثبوت بھی رپورٹ کے ساتھ شامل کیے گئے ہیں۔
رپورٹ کے مطابق، اسمبلی میں داخل ہونے والے افراد میں غیر متعلقہ اور سزا یافتہ افراد بھی شامل تھے، جنہوں نے وزیراعلیٰ کے پی کے ہمراہ داخلہ کے دوران سیکیورٹی ملازمین کو دھکے دیے اور نظم و ضبط کی خلاف ورزی کی۔ تحقیقاتی ٹیم نے اسمبلی ملازمین اور عینی شاہدین کے بیانات بھی ریکارڈ کر لیے ہیں۔
ذرائع کا کہنا ہے کہ رپورٹ میں ملوث افراد کے خلاف قانونی کارروائی کی سفارش کی جائے گی تاکہ آئندہ ایسے واقعات کی روک تھام ہو سکے اور اسمبلی میں نظم و ضبط برقرار رہے۔
یہ رپورٹ پنجاب اسمبلی کے ہنگامہ آرائی کے واقعے کے پس منظر میں تیار کی گئی، جس کا مقصد نہ صرف ذمہ دار افراد کی شناخت کرنا بلکہ سیاسی اور انتظامی سطح پر مستقبل میں ایسے واقعات کی روک تھام کو یقینی بنانا ہے۔
رپورٹ میں ہلڑبازی کرنے والوں کی ویڈیو شواہد اور دستاویزات کے ذریعے مکمل شناخت کی تصدیق کی گئی ہے، اور اس معاملے پر فوری طور پر قانونی کارروائی کی توقع کی جا رہی ہے۔
