صوابی میں مال لار جھانگیرہ روڈ پر واقع انکم سپورٹ پروگرام کے دفتر میں فائرنگ کا افسوسناک واقعہ پیش آیا ہے جس کے نتیجے میں ایک خاتون جاں بحق ہوگئیں۔
ریسکیو ذرائع کے مطابق فائرنگ کا واقعہ دفتر کے اندر پیش آیا جس میں ڈیوٹی پر موجود خاتون نشانہ بنیں اور موقع پر ہی دم توڑ گئیں، واقعے کے بعد علاقے میں خوف و ہراس پھیل گیا۔
ریسکیو حکام نے جاں بحق خاتون کی لاش کو پوسٹ مارٹم کے لیے ڈی ایچ کیو ہسپتال منتقل کر دیا ہے۔
یہ بھی پڑھیں: پشاور میں فائرنگ کا افسوسناک واقعہ، خواجہ سرا شدید زخمی
پولیس کے مطابق اطلاع ملتے ہی پولیس جائے وقوعہ پر پہنچ گئی اور علاقے کو گھیرے میں لے کر شواہد اکٹھے کیے جا رہے ہیں، واقعے کی مزید تفتیش جاری ہے۔
