ایرانی ریاستی ٹیلی ویژن کے مطابق تہران میں ایران اور پاکستان کے درمیان مذاکرات کا پہلا دور منعقد ہوا، جس میں فیلڈ مارشل عاصم منیر اور ایرانی وزیرِ خارجہ عباس عراقچی شریک ہوئے۔
رپورٹ کے مطابق مزید مذاکرات متوقع ہیںجبکہ ثالث فریقین کی جانب سے امریکہ اور ایران کے درمیان کیے گئے پیغامات کے تبادلے کا جائزہ لے رہے ہیں۔
یاد رہے کہ فیلڈ مارشل سید عاصم منیراہم دورہ پر تہران پہنچے ہیں جہاں ایران کے وزیرخارجہ سید عباس عراقچی نے ان کا خیر مقدم کیا۔
سماجی رابطے کے پلیٹ فارم ایکس پرعباس عراقچی نے اپنے بیان میں پاکستان کی جانب سے مذاکرات کی شاندار میزبانی پر اظہار تشکر کرتے ہوئے کہا کہ یہ ہمارے گہرے اور عظیم دوطرفہ تعلقات کی عکاسی کرتا ہے۔
Delighted to welcome Field Marshal Munir to Iran.
Expressed gratitude for Pakistan’s gracious hosting of dialogue, emphasizing that it reflects our deep and great bilateral relationship. Our commitment to promoting peace and stability in the region remains strong—and shared. pic.twitter.com/e74lm6hL8r
— Seyed Abbas Araghchi (@araghchi) April 15, 2026
ایرانی وزیر خارجہ عباس عراقچی نے کہا ہےکہ فیلڈ مارشل عاصم منیر کو ایران میں خوش آمدید کہتے ہوئے خوشی ہوئی۔
انہوں نے کہا کہ خطے میں امن اور استحکام کو فروغ دینے کے لیے ہمارا عزم مضبوط اور مشترکہ ہے۔
