سوشل میڈیا پر بانی پی ٹی آئی عمران خان کی ہمشیرہ نورین خان کا ایک انٹرویو تیزی سے وائرل ہو رہا ہے جس میں انہوں نے پاک فوج کی تاریخی کامیابیوں اور معرکہ حق پر گفتگو کرتے ہوئے اسے بھارت کے ساتھ مل کر رچایا گیا ایک ڈرامہ قرار دیا ہے۔
انٹرویو کے دوران جب اینکر نے ان سے سوال کیا کہ معرکہ حق کے دوران ہمارا رسپانس تو بہت تگڑا تھا اور پوری دنیا اس کی گواہ ہے جس پر نورین خان نے جواب دیا کہ بھارت اتنا بڑا ملک ہے کہ مودی چاہتا تو دو منٹ میں پاکستان کو فکس کر دیتا، وہ ڈر کر نہیں رکا تھا بلکہ اس سب کے پیچھے اسرائیل تھا جو پاکستان سے خود کو تسلیم کروانا چاہتا تھا اور یہ پورا ماحول صرف پاکستانی فوج کو عزت دلانے کے لیے تیار کیا گیا تھا۔
یہ بھی پڑھیں : کالعدم تنظیم بی ایل ایف کا ضلع چاغی میں سرکاری عمارتوں اور تھانوں پر قبضے کا دعویٰ جھوٹا اور پروپیگنڈا نکلا
نورین خان نے اپنی گفتگو میں مزید سنسنی خیز دعوے کرتے ہوئے کہا کہ امریکہ میں ہونے والے ابراہام اکارڈز کے تحت اسرائیل کو پاکستان مل چکا تھا اور اسرائیلیوں سے رابطے اور ملاقاتیں ہو رہی تھیں لیکن بعد میں ایران کا فساد مچ گیا۔
نورین خان کا کہنا تھا کہ یہ باتیں انہیں کسی نے بتائی نہیں ہیں بلکہ یہ ان کی اپنی عقل ہے۔
