استخار احمد یوسفزئی
خیبر پختونخوا کے ضلع صوابی میں شدید گرمی اور لو کے باعث تمباکو کے کھیت میں کام کرنے والا ایک 65 سالہ بزرگ شدید گرمی کی تاب نہ لاتے ہوئے دم توڑ گیا۔
ریسکیو 1122 صوابی کے مطابق یہ واقعہ ملک آباد کے علاقے جہگنات میں پیش آیا جہاں 65 سالہ رحمت خان اپنے کھیت میں کام کر رہے تھے کہ اچانک ہیٹ اسٹروک کا شکار ہو کر بے ہوش ہو گئے۔
واقعے کی اطلاع ملتے ہی ریسکیو 1122 صوابی کی میڈیکل ٹیم فوری طور پر جائے وقوعہ پر پہنچ گئی، تاہم بزرگ موقع پر ہی جان کی بازی ہار چکے تھے۔
یہ بھی پڑھیں : لوئر دیر اور مہمند میں خوفناک ٹریفک حادثات، درجنوں مسافر زخمی
ریسکیو ٹیم نے ضروری کارروائی کے بعد مرحوم کی میت کو قانونی ضابطے کے لیے ہسپتال منتقل کر دیا۔
