وزیراعظم شہباز شریف نے لندن اسٹاک ایکسچینج کا دورہ کیا اور اسٹاک ایکسچینج کی مارکیٹ اوپننگ تقریب میں شرکت کی۔
وزیراعظم شہباز شریف نے پاکستان کے 3 ارب ڈالر کے یورو بانڈز لسٹنگ کی بھی رونمائی کی، سی ای او لندن اسٹاک ایکسچینج گروپ ڈیوڈ شوئمر اور لندن اسٹاک ایکسچینج گروپ کے سینئر حکام نے وزیراعظم کا استقبال کیا۔
پی ایم آفس کے اعلامیے کے مطابق وزیراعظم کی مارکیٹ اوپن تقریب میں شرکت پاکستان اور لندن کے اہم مالیاتی اداروں کے درمیان بڑھتے روابط کا مظہر ہے۔
انہوں نے کہا کہ خلیج کا بحران نہ پیدا ہوتا تو پاکستان دیگر ابھرتی ہوئی معیشتوں کی طرح بہت آگے جاچکا ہوتا۔ خطے میں امن کے لیے پاکستان نے اپنی کوششیں جاری رکھی ہیں۔
یہ بھی پڑھیں: وزیراعظم نے اپوزیشن لیڈر کو مذاکرات کی دعوت دیدی
واضح رہے کہ شہباز شریف پاکستان کے پہلے وزیر اعظم ہیں جنھیں لندن سٹاک ایکسچینج ٹریڈنگ اوپننگ کا اعزاز حاصل ہوا ہے۔
