وفاقی حکومت نے عیدالاضحیٰ 2025 کے موقع پر 6 جون (جمعہ) سے 9 جون (پیر) تک ملک بھر میں 4 روزہ عام تعطیلات کا اعلان کر دیا ہے۔
حکومتی اعلامیے کے مطابق، یہ تعطیلات عیدالاضحیٰ کی مذہبی اہمیت اور عوام کی سہولت کو مدنظر رکھتے ہوئے دی گئی ہیں، تاکہ شہری اپنے اہل خانہ کے ساتھ مذہبی تہوار منانے کے لیے بہتر طریقے سے منصوبہ بندی کر سکیں۔
اسی سلسلے میں بینک دولت پاکستان (اسٹیٹ بینک) نے بھی اعلامیہ جاری کیا ہے، جس کے مطابق اسٹیٹ بینک جمعہ 6 جون سے پیر 9 جون 2025 تک عید کی عام تعطیلات کے باعث بند رہے گا۔
اسٹیٹ بینک کے مطابق، ان تعطیلات کے دوران تمام مرکزی اور ذیلی دفاتر میں بینکاری خدمات معطل رہیں گی، اور معمول کے امور 10 جون بروز منگل سے دوبارہ شروع ہوں گے۔
یہ بات قابل ذکر ہے کہ عیدالاضحیٰ پر قربانی، مذہبی اجتماعات اور خاندانی میل جول کے باعث عوامی سطح پر سرگرمیاں بڑھ جاتی ہیں، جسے مدنظر رکھتے ہوئے وفاقی حکومت نے پیشگی نوٹیفکیشن جاری کیا ہے۔
