پشاور: خیبرپختونخوا کے وزیراعلیٰ سہیل آفریدی 25 اپریل کو آزاد کشمیر کے دارالحکومت مظفر آباد میں ہونے والے احتجاجی جلسے میں شرکت کریں گے، جس کے لیے انہوں نے سرکاری ہیلی کاپٹر استعمال کرنے کا فیصلہ کیا ہے۔
وزیراعلیٰ کے معاون خصوصی برائے اطلاعات شفیع جان کے مطابق سہیل آفریدی مظفر آباد میں منعقد ہونے والی اسٹریٹ موومنٹ میں شرکت کے لیے ہیلی کاپٹر کے ذریعے روانہ ہوں گے۔ اس مقصد کے لیے ہیلی کاپٹر کے کرائے کی مد میں 8 لاکھ 40 ہزار روپے ادا کر دیے گئے ہیں۔
وزیر اعلی سہیل آفریدی کا پارٹی سرگرمی کا بوجھ سرکاری خزانے پر ڈالنے سے انکار
مظفرآباد آزاد کشمیر کے لیے سرکاری ہیلی کاپٹر کے تمام اخراجات پارٹی فنڈ سے ادا کر دیے
وزیر اعلی سہیل آفریدی نے 8 لاکھ 40 ہزار روپے سرکاری خزانے میں جمع کرائے pic.twitter.com/Czz5NEk1P8— Muhammad Faheem (@MeFaheem) April 23, 2026
شفیع جان نے وضاحت کرتے ہوئے کہا کہ وزیراعلیٰ کے دورہ مظفر آباد کے تمام اخراجات پارٹی فنڈ سے ادا کیے گئے ہیں اور اس موقع پر سرکاری وسائل کے استعمال سے اجتناب کیا گیا ہے۔ ان کے مطابق یہ اقدام شفافیت اور ذمہ داری کے اصولوں کے مطابق ہے۔
یہ بھی پڑھیں : میں دباؤ میں نہیں ہوں،ٹرمپ کا ایران سے متعلق بڑا بیان
انہوں نے مزید کہا کہ وزیراعلیٰ سہیل آفریدی اپنے دورے میں بانی چیئرمین کے وژن کے مطابق شفاف طرزِ حکمرانی اور ذمہ داری کی روایت کو آگے بڑھا رہے ہیں۔
ان کا کہنا تھا کہ بانی چیئرمین ہمیشہ سرکاری وسائل کو عوام کی امانت سمجھتے ہوئے ان کے درست استعمال پر زور دیتے رہے ہیں۔
وزیراعلیٰ کے اس دورے کو سیاسی اور انتظامی حلقوں میں اہم پیش رفت قرار دیا جا رہا ہے، جبکہ اس پر مختلف آرا بھی سامنے آ رہی ہیں۔
