بنوں کے علاقے تھانہ ہوید کی حدود میں نامعلوم مسلح افراد نے فائرنگ کر کے ریسکیو 1122 کے اہلکار عثمان خان کو شہید کر دیا اور موقع سے فرار ہونے میں کامیاب ہو گئے۔
پولیس ذرائع کے مطابق عثمان خان اپنی پیشہ ورانہ ڈیوٹی سرانجام دینے کے بعد گھر جا رہے تھے کہ راستے میں موٹر سائیکل سواروں نےان کو نشانہ بنایا۔فائرنگ کے نتیجے میں شدید زخمی ہوکرشہید ہوگئے۔
واقعے کے فوراً بعد شہید کی لاش کو ہسپتال منتقل کر دیا گیا ہے جبکہ پولیس نے علاقے کی ناکہ بندی کر کے ملزمان کی تلاش اور واقعے کی باقاعدہ تفتیش کا آغاز کر دیا ہے۔
