سوات ایکسپریس وے پر پیش آنے والے افسوسناک ٹریفک حادثے پر صوبائی وزیر اطلاعات شفیع جان نے گہرے دکھ اور افسوس کا اظہار کیا ہے۔
اپنے بیان میں انہوں نے جاں بحق افراد کے لواحقین سے دلی تعزیت اور ہمدردی کا اظہار کرتے ہوئے کہا کہ قیمتی انسانی جانوں کا ضیاع انتہائی افسوسناک ہے۔ صوبائی وزیر نے زخمیوں کی جلد صحتیابی کے لیے دعا بھی کی۔
انہوں نے مزید کہا کہ صوبائی حکومت اس مشکل گھڑی میں متاثرہ خاندانوں کے ساتھ کھڑی ہے اور زخمیوں کو ہسپتالوں میں بہترین طبی سہولیات فراہم کی جا رہی ہیں۔
حادثے کے بعد انتظامیہ نے ریسکیو کارروائیاں مکمل کر کے متاثرین کو فوری طبی امداد فراہم کی۔
