ایل پی جی کی فی کلو قیمت میں اضافہ، اوگرا نے نئی قیمتوں کا نوٹیفکیشن جاری کر دیا
لیکویفائیڈ پیٹرولیم گیس (ایل پی جی) کی قیمت میں اضافہ کر دیا گیا ہے۔ آئل اینڈ گیس ریگولیٹری اتھارٹی (اوگرا) نے قیمتوں میں اضافے کا باضابطہ نوٹیفکیشن جاری کر دیا ہے۔
نوٹیفکیشن کے مطابق ایل پی جی کی فی کلو قیمت میں 4 روپے 95 پیسے کا اضافہ کیا گیا ہے، جس کے بعد نئی قیمت 308 روپے 76 پیسے فی کلو مقرر کی گئی ہے۔ یہ نئی قیمتیں جون کے مہینے کے لیے نافذ العمل ہوں گی۔
اوگرا کے مطابق قیمتوں میں اضافے کے نتیجے میں گھریلو سلنڈر بھی مہنگا ہو گیا ہے۔ 11.8 کلوگرام کے گھریلو سلنڈر کی قیمت میں 58 روپے 51 پیسے اضافہ ہوا ہے، جس کے بعد اس کی نئی قیمت 3643 روپے 41 پیسے مقرر کی گئی ہے۔
ماہرین کے مطابق ایل پی جی کی قیمتوں میں اضافہ گھریلو صارفین کے بجٹ پر مزید دباؤ ڈال سکتا ہے، خصوصاً ایسے وقت میں جب مہنگائی پہلے ہی بلند سطح پر ہے۔
