عبداللہ مدنی
ضلع لوئر دیر کے علاقے میاں بانڈہ میں بجلی کاکرنٹ لگنے کے باعث مہران نامی نوجوان جاں بحق ہو گیا ہے۔
واقعے کی اطلاع ملتے ہی ریسکیو 1122 دیر لوئر کی ٹیم فوری طور پر جائے وقوعہ پر پہنچ گئی۔
ریسکیو اہلکاروں نے متاثرہ نوجوان کو موقع پر ہی ابتدائی طبی امداد فراہم کی اور سی پی آر دینے کے بعد اسے فوری طور پر ہسپتال منتقل کر دیا۔
یہ بھی پڑھیں : خیبر: سیلابی ریلے میں بہہ جانے والے 6 افراد کی لاشیں برآمد، ریسکیو آپریشن مکمل
ہسپتال پہنچنے پر ڈاکٹروں نے معائنے کے بعد نوجوان کی موت کی تصدیق کر دی۔ ریسکیو 1122 دیر لوئر کے ترجمان کے مطابق ریسکیو ٹیم نے واقعے کے بعد تمام ضروری کارروائی مکمل کر لی ہے۔
