ویسٹ انڈیز نے پاکستان کے خلاف دو ٹیسٹ میچوں پر مشتمل سیریز کے لیے 15 رکنی اسکواڈ کا اعلان کر دیا ہے۔
اعلان کردہ اسکواڈ کے مطابق ٹیم کی قیادت روسٹن چیز کریں گے، جبکہ جومیل واریکن کو نائب کپتان مقرر کیا گیا ہے۔
ویسٹ انڈیز کے اسکواڈ میں جوشوا بیشپ، تیج نارائن چندرپال، جوشوا ڈی سلوا، جسٹن گریوز، کیوم بوج، شے ہوپ، عامر جینگو، شیمار جوزف، برینڈن کنگ، کرک میک کینزی، گڈاکیش موتی، کیمو پال، کیمار روچ، جیڈن سیلز اور جومیل واریکن شامل ہیں۔
پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 25 جولائی سے ہوگا۔
یہ بھی پڑھیں : خیبر پختونخوا کے 7 اضلاع میں ولج اور نیبر ہُڈ کونسلز کی ازسرنو حلقہ بندیوں کا آغاز
قومی ٹیم اس سیریز میں نئے کپتان بابر اعظم کی قیادت میں میدان میں اترے گی، جنہیں شان مسعود کی جگہ ٹیسٹ ٹیم کا کپتان مقرر کیا گیا ہے۔
واضح رہے کہ پاکستان نے آخری مرتبہ 2023 میں سری لنکا کے خلاف اس کی سرزمین پر ٹیسٹ سیریز 2-0 سے جیتی تھی، تاہم اس کے بعد قومی ٹیم مسلسل سات بیرونِ ملک ٹیسٹ میچز میں شکست کا سامنا کر چکی ہے۔
پاکستان اور ویسٹ انڈیز کے درمیان ہونے والی سیریز دونوں ٹیموں کے لیے اہمیت کی حامل ہے، جہاں قومی ٹیم بیرونِ ملک ٹیسٹ ناکامیوں کے سلسلے کو ختم کرنے کی کوشش کرے گی۔
