رائل سویڈش اکیڈمی آف سائنسز نے سال 2026ء کے لیے کیمسٹری (کیمیا) کے شعبے کا نوبیل انعام فرانس اور جاپان سے تعلق رکھنے والے دو سائنسدانوں کے لیے مشترکہ طور پر دینے کا اعلان کیا ہے۔
اکیڈمی کے مطابق فرانس کی پیرس سوڈ (Paris-Sud) یونیورسٹی کے پروفیسر ہنری بی کاگان اور جاپان کی ٹوکیو یونیورسٹی آف سائنس کے کینسو سوائی لو کو نامیاتی کیمسٹری کے ایک خاص عمل میں غیر معمولی اثرات اور خود بخود ہونے والے کیمیائی عمل کی دریافت پر اس عالمی اعزاز سے نوازا گیا ہے۔
دونوں سائنسدانوں کی اس اہم تحقیق میں بتایا گیا ہے کہ کیمیائی ردعمل کس طرح کسی مالیکیول کا معکوس عکس فراہم کرتا ہے، جو ادویات کی تیاری اور سائنس کی ترقی میں انتہائی اہم پیش رفت سمجھی جا رہی ہے۔
نوبیل کمیٹی نے بتایا ہے کہ دونوں سائنسدانوں میں ایک کروڑ 20 لاکھ سویڈش کرونا کی نقد انعام رقم برابر تقسیم کی جائے گی۔
واضح رہے کہ رواں سال کے نوبیل انعامات کے سلسلے میں 5 اکتوبر کو طب اور 6 اکتوبر کو فزکس کے انعامات کا اعلان کیا جا چکا ہے۔ شیڈول کے مطابق 8 اکتوبر کو ادب، 9 اکتوبر کو امن اور 12 اکتوبر کو معیشت کے شعبے میں نوبیل انعام کا اعلان کیا جائے گا۔
