لاہور: سہ ملکی کرکٹ سیریز میں کامیابیوں کا تسلسل برقرار رکھنے کے مشن کے تحت پاکستان آج قذافی اسٹیڈیم لاہور میں انگلینڈ کے خلاف میدان میں اترے گا، جبکہ انگلش ٹیم کو ایونٹ میں پہلی کامیابی کی تلاش ہے۔
پاکستان نے سیریز میں اب تک دونوں میچز جیت کر 4 پوائنٹس حاصل کیے ہیں اور پوائنٹس ٹیبل پر پہلی پوزیشن برقرار رکھی ہوئی ہے۔ گرین شرٹس نے اپنے ابتدائی میچز میں سری لنکا اور انگلینڈ کو شکست دے کر اپنی پوزیشن مستحکم کی ہے۔
دوسری جانب انگلینڈ کو اب تک دونوں میچز میں ناکامی کا سامنا کرنا پڑا ہے اور ٹیم آج پاکستان کے خلاف کامیابی حاصل کرکے ایونٹ میں واپسی کی کوشش کرے گی۔
پوائنٹس ٹیبل پر سری لنکا 2 پوائنٹس کے ساتھ دوسرے نمبر پر ہے، جبکہ انگلینڈ تاحال کوئی پوائنٹ حاصل نہیں کرسکا۔
یہ بھی پڑھیں: سری لنکا کے خلاف ٹیسٹ سیریزکیلئےقومی اسکواڈ کا اعلان
آج کے مقابلے میں پاکستان کی کوشش ہوگی کہ وہ اپنی جیت کا سلسلہ برقرار رکھے، جبکہ انگلینڈ کے لیے یہ میچ ایونٹ میں پہلی فتح حاصل کرنے کا اہم موقع ہوگا۔
