وزیراعظم شہباز شریف کا بصیرت افروز فیصلہ: اپوزیشن کو انتخابی کمیٹی میں شمولیت کی دعوت!

ملک میں جمہوریت کی جڑوں کو مضبوط کرنے، سیاسی استحکام لانے اور آنے والے عمومی انتخابات کو مکمل طور پر شفاف، غیر جانبدارانہ اور قابلِ اعتماد بنانے کے لیے حکومتِ وقت نے اعلیٰ ظرفی، سیاسی بصیرت اور تدبر کی نئی تاریخ رقم کر دی ہے۔

وزیراعظم شہباز شریف کی قیادت میں حکومت نے انتخابی اصلاحات پر تمام تر سیاسی تحفزات اور اختلافات سے بالاتر ہو کر اپوزیشن کو اعتماد میں لینے اور قومی سطح پر اتفاقِ رائے پیدا کرنے کی کاوشیں تیز کر دی ہیں۔

ذرائع کے مطابق وزیراعظم شہباز شریف نے جمہوری اقدار کی پاسداری کرتے ہوئے فیصلہ کیا ہے کہ انتخابی نظام کو آئندہ کے لیے ہر قسم کے شک و شبہے سے پاک کرنے کے لیے اپوزیشن کو بھی عمل کا حصہ بنایا جائے۔ اس مقصد کے لیے حکومت نے اپوزیشن کو باضابطہ مذاکرات کی دعوت دینے کا دلیرانہ قدم اٹھایا ہے۔

وزیراعظم نے ہدایت کی ہے کہ انتخابی اصلاحات برائے شفافیت کے لیے 20 رکنی کمیٹی میں اپوزیشن کے 5 ارکان کو شامل کیا جائے۔

اسپیکر کو ہدایت کی گئی ہے کہ وہ اپوزیشن کو کمیٹی کا حصہ بننے کے لیے باضابطہ دعوت نامہ ارسال کریں اور ان سے 5 نمائندوں کے نام طلب کریں۔

حکومت صرف دعووں تک محدود نہیں بلکہ عملی قدم اٹھاتے ہوئے پارلیمنٹ میں قانون سازی کے ماحول کو سازگار بنا رہی ہے۔ الیکشن اصلاحات کی تشکیل کو قانونی تحفظ دینے کے لیے بیرسٹر عقیل ملک نے سینیٹ میں باضابطہ قرارداد پیش کر دی ہے جس پر جلد عمل درآمد شروع ہو جائے گا۔

یہ بھی پڑھیں : ترکیے کا 103واں قومی دن: وزیراعظم شہباز شریف کا ترک صدر اور ترک قوم کو سلام!

حکومت کے اس انقلابی اور مثبت فیصلے نے ملک میں جاری سیاسی تناؤ کو کم کرنے اور جمہوری اداروں کا وقار بلند کرنے میں کلیدی کردار ادا کیا ہے۔

ماضی کی حکومتوں کے برعکس جن میں اپوزیشن کو یکسر نظر انداز کیا جاتا تھا موجودہ حکومت نے کشادہ دلی کا ثبوت دیتے ہوئے ثابت کر دیا ہے کہ ریاست، آئین اور عوام کا اعتماد ان کے لیے سب سے مقدم ہے۔

Scroll to Top