پاکستان کے تکنیکی اور ڈیجیٹل افق پر ایک ایسا بڑا سیاسی اور انتظامی اقدام سامنے آیا ہے جس نے سب کو حیران کر کے رکھ دیا ہے۔ خیبر پختونخوا کو ملک کا اولین ڈیجیٹل ہارٹ بنانے کے لیے خیبر پختونخوا انفارمیشن ٹیکنالوجی بورڈ (KPITB) کی جانب سے ایک انتہائی اہم اور سسپنس سے بھرپور بریفنگ اجلاس منعقد کیا گیا جس کی صدارت ممبر ایڈوائزری کونسل برائے توانائی و برقیات عثمان سیف اللہ خان نے کی۔
اس اعلیٰ سطح کے اجلاس میں بورڈ کے حکام نے 2011 سے لے کر اب تک کے اپنے تاریخی ارتقائی سفر، شفاف گورننس، جدید ای-سروسز، عوام کی شمولیت، ہنر مندی اور کاروباری ترقی کے میدانوں میں کیے گئے انقلابی فیصلوں پر سے پردہ اٹھایا۔ ساتھ ہی قومی اور بین الاقوامی سطح پر حاصل کیے گئے ایوارڈز کے سلسلے کو بھی تفصیل سے سامنے لایا گیا۔
اجلاس کے دوران ڈیجیٹل کے پی پالیسی اور روڈ میپ 2030کے ساتھ ساتھ اے آئی گورننس ماڈل پر ایک خصوصی بریفنگ دی گئی۔
بورڈ حکام نے انکشاف کیا کہ صوبے میں متعدد ہائی ٹیک منصوبوں پر کام کی رفتار تیز کر دی گئی ہے جن میں ـشامل ہیں :
زمانگ جی پی ٹی (Zamanag GPT):
سرکاری سطح پر خط و کتابت اور ڈرافٹنگ کے لیے مخصوص جدید ٹول۔
ہیلو کے پی اے آئی سوک اسسٹنٹ:
عام شہریوں کی مصدقہ خدمات اور حل کے لیے ڈیزائن کردہ AI اسسٹنٹ۔
دستک چیٹ بوٹ اور سمارٹ سسٹمز:
عمارتوں کے نقشوں کی سمارٹ منظوری اور جنگلات کے تحفظ کے لیےفارسٹ OS جیسے انوکھے آلات۔
گورنمنٹ اے آئی-101:
سرکاری ملازمین کی تکنیکی صلاحیتیں بڑھانے کا ایک جامع کیپیسٹی بلڈنگ پروگرام۔
صرف یہی نہیں بلکہ آئندہ کے ایسے خوفناک حد تک جدید منصوبوں کا اعلان کیا گیا ہے جو خیبر پختونخوا کی تقدیر بدل سکتے ہیں۔
مستقبل کے اہداف میں صوبے کا اپنا سکول آف اے آئی قائم کرنا مقامی سرحدوں کے اندر جی پی یو کلاؤڈمتعارف کروانااور مقامی زبانوں کی ترویج و تحفظ کے لیےسوورین اے آئی ڈیٹا سینٹرکا قیام شامل ہے۔
اس کے علاوہ اے آئی اور مشین لرننگ ٹریننگز کو ہر شہر تک پھیلانے کے ساتھ ساتھ ابھرتے ہوئے سمارٹ مائنڈز اور سٹارٹ اپس کے لیے کے پی اے آئی انوویشن چیلنج 2026منعقد کرنے کا فیصلہ بھی سامنے آیا ہے۔
یہ بھی پڑھیں : طبی دنیا میں نیا بھونچال:مائیکروسافٹ کے اے آئی ماڈل نے ڈاکٹروں کو مات دے دی!
اجلاس کے اختتام پر عثمان سیف اللہ خان نے کے پی آئی ٹی بورڈ کی انتھک محنت اور غیر معمولی پیش رفت کی بھرپور تعریف کی۔
انہوں نے زور دیتے ہوئے ہدایت جاری کی کہ ایپکس آفس، اے آئی انوویشن ہب، عام شہریوں پر مرکوز اے آئی حل اور دیگر فلیگ شپ پروجیکٹس کے کام کو فوری طور پر مزید تیز کیا جائے تاکہ ڈیجیٹل کے پی کے اس وژن کو بغیر کسی تاخیر کے عملی شکل دی جا سکے۔





