شہزاد راجہ
مردان کی تحصیل رستم کے علاقے جعفر آباد مچھی میں گزشتہ روز قتل ہونے والے طالب علم کےنامزد ملزم کو پولیس نے فوری کارروائی کرتے ہوئے گرفتار کر لیا ہے۔
تھانہ رستم پولیس نے ریاض گل کے بیٹے ہارون کے قتل کی اطلاع ملتے ہی مختلف پہلوؤں پر تفتیش شروع کی اور محض 6 گھنٹوں کے مختصر دورانیے میں فائرنگ میں ملوث مرکزی ملزم مغاذ کو ٹریس کر کے اسے آلہ قتل سمیت گرفتار کرلیا ہے۔
پولیس کے مطابق ابتدائی تحقیقات سے معلوم ہوا ہے کہ قتل کا یہ واقعہ لڑکی کے تنازعہ پر پیش آیا تھا۔
پولیس نے ملزم کے قبضے سے واردات میں استعمال ہونے والا پستول برآمد کر کے مقدمہ درج کر لیا ہے اور مزید قانونی کارروائی شروع کر دی ہے۔
رستم پولیس کا کہنا ہے کہ سنگین جرائم میں ملوث عناصر کے خلاف بلاامتیاز کارروائیاں جاری رکھی جائیں گی ۔
