ایرانی پارلیمنٹ کے اسپیکر محمد باقر قالیباف نے لبنان جنگ بندی کے معاملے میں ثالثی کردار ادا کرنے پر پاکستان کی قیادت اور فیلڈ مارشل سید عاصم منیر سے اظہارِ تشکر کیا ہے۔
سوشل میڈیا پر جاری اپنے بیان میں محمد باقر قالیباف نے لبنان میں ہونے والی جنگ بندی کو حزب اللہ کی ثابت قدمی اور اتحاد کا نتیجہ قرار دیا۔ انہوں نے کہا کہ اس پیش رفت کو مکمل کامیابی تک احتیاط اور ذمہ داری کے ساتھ آگے بڑھایا جائے گا۔
كما قلتُ ليلة أمس أيضاً، إن وقف إطلاق النار لم يكن إلا نتيجة لصمود حزب الله واتحاد محور المقاومة؛ وسوف نتعامل مع وقف إطلاق النار هذا بحذر، وسنبقى معًا حتى التحقق الكامل للنصر.
أشكر الجهود الوسيطة لدولة باكستان والجنرال عاصم منير لإقرار وقف إطلاق النار هذا.
إنّا على العهد… https://t.co/6f3CIa3jNH
— محمدباقر قالیباف | MB Ghalibaf (@mb_ghalibaf) April 16, 2026
ایرانی پارلیمنٹ کے اسپیکر نے اپنے بیان میں مزید کہا کہ ایران اس جنگ بندی کو باریک بینی سے دیکھ رہا ہے اور خطے میں استحکام تک مشترکہ کوششیں جاری رہیں گی۔ ان کے مطابق فریقین کو اپنے مؤقف پر قائم رہتے ہوئے محتاط انداز میں آگے بڑھنا ہوگا۔
یہ بھی پڑھیں : انطالیہ میں وزیراعظم محمد شہباز شریف سے ترک وزیر خارجہ ہاقان فیدان کی ملاقات
انہوں نے جنگ بندی کے عمل میں پاکستان کے ثالثی کردار اور فیلڈ مارشل عاصم منیر کی کوششوں کو سراہتے ہوئے ان کا خصوصی شکریہ ادا کیا۔
بیان میں کہا گیا کہ پاکستان نے خطے میں امن و استحکام کے لیے اہم سفارتی کردار ادا کیا ہے، جسے سراہا جانا چاہیے۔
ایرانی اسپیکر نے اس عزم کا اظہار بھی کیا کہ ایران اپنے اصولی مؤقف پر قائم رہے گا اور خطے میں امن کے لیے کوششیں جاری رکھی جائیں گی۔
