برطانوی شاہ چارلس اور ملکہ کمیلا وائٹ ہاؤس پہنچ گئے، ٹرمپ نے استقبال کیا

تازہ ترین, دنیا / Leave a Comment /

واشنگٹن: برطانوی شاہ چارلس اور ملکہ کمیلا اپنے چار روزہ سرکاری دورے پر امریکا پہنچ گئے ہیں، جہاں ان کا شاندار استقبال وائٹ ہاؤس میں امریکی صدر ڈونلڈ ٹرمپ نے کیا۔

تفصیلات کے مطابق برطانوی بادشاہ شاہ چارلس سوم اور ملکہ کمیلا واشنگٹن پہنچے تو امریکی صدر ڈونلڈ ٹرمپ نے ان کا خیرمقدم کیا۔ اس موقع پر دونوں رہنماؤں کے درمیان غیر رسمی ملاقات بھی متوقع ہے۔

امریکی صدر ڈونلڈ ٹرمپ نے اس موقع پر کہا کہ برطانوی بادشاہ امریکا میں مکمل طور پر محفوظ ہوں گے اور ان کا دورہ دونوں ممالک کے تعلقات کے لیے خوش آئند ہے۔ ان کے مطابق شاہ چارلس کا امریکا آنا ایک مثبت اور اہم پیش رفت ہے۔

برطانوی شاہ شاہ چارلس سوم اپنے اس دورے کے دوران امریکا کے قیام کی ڈھائی سوویں سالگرہ کی تقریبات میں بھی شرکت کریں گے، جو دونوں ممالک کی تاریخی وابستگی کے تناظر میں اہم سمجھی جا رہی ہیں۔

یہ بھی پڑھیں : آج پشاور زلمی اور اسلام آباد یونائیٹڈ کوالیفائیر میں آمنے سامنے ہوں گے

دورے کے دوران شاہ چارلس امریکی کانگریس سے بھی خطاب کریں گے، جبکہ وہ نائن الیون کی یادگار کا دورہ بھی کریں گے اور متاثرین کو خراجِ عقیدت پیش کریں گے۔

یہ دورہ برطانیہ اور امریکا کے درمیان سفارتی اور تاریخی تعلقات کو مزید مضبوط بنانے کے لیے اہم قرار دیا جا رہا ہے۔

Must Read

Scroll to Top